L'organizazion politiche
Il Parlament da Patrie
I prins parlaments a son nasciûts ta Ete di Mieç, dulà che il sciôr, par frenâ i interès dai feudataris al à clamât dongje intune samblee i siei vassâi, par domandâiur il paiament das tasses e contribûts pal so esercit.
Encje in Friûl, za tal XII secul al ere un parlament, dulà che in prin si cjatavin i puartevôs da nobiltât e dal clericât, ch’a disevin la lôr sui bêçs e sui soldâts che ogni feudatari al veve di dâi al patriarcje. Un tic a la volte, il parlament al è lât slargjantsi: a erin presints il clericât, la nobiltât e i deputâts dai comuns. Cheste samblee a faseve leçs e i stave dongje dal patriarcje intal guvier dal stât.
Las leçs da Patrie dal Friûl a forin metudes dongje dal patriarcje Marcuart, intal 1396 e cjaparin il non di Costituzions da Patrie dal Friûl.
Par cure di Nicola De Conti e Mattia Delli Zotti
Da Giancarlo Menis, Storie dal Friûl, SFF
I Comuns
Da cjâf dal comun al ere un dean (o meriga, in Cjargne).
La samblee dai abitants da vile (vicìnie), a si dave dongje cuant che a sunave une cjampane.
In cheste samblee a vevin di jessi ducj i parons di cjase, ch’a sielzevin il dean e i zurârs.
La vicìnie a jodeve di cemût ch’a si veve di dropâ i pascions e i bens comuns, a tegneve di vouli l’ativitât dal plevan, a intervegnive tai cavî tra vizins, a faseve fâ strades e puints e, cuant ch’a coventave, a si cjatave a discori e a decidi insieme cun âtes vicinies, o a lave das autoritâts superiôrs.
Inta Ete di Mieç, il comun dal Friûl al ere diferent da chel talian, parcè che a nol si è metût cuintre dai patriarcjes par vêi plui autonomie.
Par cure di Nicola De Conti e Mattia Delli Zotti
Da G. Ellero, Storie dal Friûl, Ribis Edizions, 1984