|
La Pleif di Guart
Da Zui a erin partîts, fint dai prins agns, missionaris ch'a vevin fondât noves comunitâts plebanâls in dute la Cjargne, il Cjadovri e il Todesc, fra chestes une das primes a fo siguramenti Guart. Da prin dongje il flum, dulà che cumò a è la gleisieute di Sant Martin (di recent difat a son stâts cjatâts i rescj di une gleisie plui grande e plui vecje -V secul-) e plui tart su pal çuc, dulà ch'a è inmò. Cuant che i vescui a scugnerin lâ vie da Zui ai tocjà a pleif di Guart di fâ da pont di riferiment pai cristians di chei cjanâi ch'a colavin sot da sô jurisdizion: a no si sa ben cuant e cemût, ma Guart a vè il titul di Arcidiacunât e a veve sot di sè dutes las comunitâts da Valade dal Dean, fint a Sapade, di Cjanâl e da Valcjalde fint a çurçuvint.
Dal 1119 al 1777 a è stade sot da l'abazie di Mueç, cussì che pa cure das animes a lavin su doi fraris, un da bande di Luinces e chel âti da bande di Davâr.
Encje da pleif di Guart a nasserin, già a partî dai prins dal Miletresinte las capelanies e po las parochies, cuntun preidi sul puest e il dirit a vêi batisteri e simiteri, ma cul oblic di dâ la decime e di lâ a Pleif pas rogazions.
Da G. Burba Le pievi del Friuli, in Rivista Diocesana Udinese n 6, 1997
|
 |