|
La Scensce
| |
|
LA BUSADE DES CROUS
La pleif di Sant Pieri, in Cjargne, a si la iout sore dal cuel ch’al puarte il chel stes nom e ch’al cjale jù la valade da Bût.
La pleif pai cjargnei no è une gleisie come chês âtes: difats, fin dai timps plui antîcs, cheste a no ere dome pont di riferiment ta nascite e ta muart di ducj i fedêi, ma achì a podevin stâ sigûrs intant das invasions ch’a passarin pa valade da Bût.
La fieste plui impuartant che da tant timp a ven celebrade ta vecje pleif, a è la Scense. I cjargnei a si dan dongje a Sant Pieri, cu las crous ch’a rivin das parochies da valade, vistides da fieste cui flocs che las nuvices a regalin inta dì das lôr noces. Cheste tradizion a è un tornâ a cjatâsi cu la pleif mari, par saludâ e domandâ confuart, ma encje un tirâsi dongje par mantignî salde la fede in Crist e dâ fuarce al leam fra una comunitât e chês âtes.
La liturgjie a ven fate di fûr, intal Plan da Vincule. Las crous a si metin une dongje di chê âte, il plevan di Zui a las clame une par une; cussì as ven menades davant di chê di Sant Pieri par scambiâsi il simbul da busade. Daûr di ogni crous a è une interie comunitât, di îr, di voi e di doman, ch’a si cjate inscieme con chês âtes par rindi onôr a pleif plui antighe e impuartant da Cjargne.
Par cure di Romina Felicioni e Stefano Marsilio
Da M. Tallone, La bussade des crôs, in La Patrie dal Friûl, n. 5, mai 2001
| |
|
|
