|
Las Rogazions di Guart
|
|
Las rogazions a son nasciudes come rituâl di meditazion, contemplazion e intercescion. La int a lava in pusciscion e intant a si disevin las Litanies. Intant da pusciscion si fermavisi ogni tant (tas places, tas crosades, devant dai Criscj o das maines..), e si domandava la benedizion su pas campagnes e sul paîs.
Ogni Comunitât a veva las sôs Rogazions, che par solit a colavin inta dì da fiesta dal titolâr da glesia (sant’Elena a Luvinças, sant Pelegrin a Dentramp…).
Par vecju, la Rogazion da Pleif a veva il stes significât. Si las faseva in trê dîs un devôr chel âti:
I dì: pusciscion da glesia di sant Martin fint a chê di sant Vigjili a Davâr;
II dì: pusciscion da glesia di sant Vigjili a Davâr, a Pleif di Guart;
III dì: pusciscion da Pleif di Guart fint a glesia di sant Martin.
Cumò chesta Rogazion a è stada slargjada a duta la Forania di Guart e si la fâs in dutes las glesies da Forania, ogni an intuna comunitât indiferent: Pleif di Guart (la prima è stada chê dal An Sant dal 2000), Davâr, Comeliàns, Prât, Rigulât, For Davuatri, Ravasclêt e Çurçuvint (che par antîc al era denti ta Forania di Guart). Chest an si fasarà la nona edizion, propit a Çurçuvint.
Da une interviste fate a pre’ Josef Cjargnel, da Pleif di Guart
|
 |