 |
|
A Luvincis di Davâr a è stade cjatade ch’al è pouc une vasche batesimâl par imerscion, da epoche paleocristiane (V secul, ator dal 450 d.C.). Al è un ritrovament cetant impuartant dal pont di viste religjous e storic. A è stade cjatade sot dal palment da gleisiute di Sant Martin, in bande dal Dean. Daûr di cheste gleisie, viers il flum, a son stâts scuvierts i rescj di une antighe basiliche, grande plui di 400 metrôs cuadros, simpri da stesse epoche.
Simpri aventi a son stâts cjatâts rescj di mûrs ch’a nus puartin a pensâ che achì al veve di jessi za in epoche paleocristiane un insediament vîf e atîf.
La vascje batisimâl a à forme esagonâl, sul stamp di chê da Gleisie di Aquilee, par denti a si podin jodi doi scjalins ch'a coventavin par lâ denti inta l'aghe pal batisim. Ator ator da vascje batisimâl a 'nd è un cordul otagonâl che forsi al podeve jessi la fonde di un edifizi ch'al cuviergeve la vascje.
Sot il palment da gleisieute di Sant Martin a son stades cjatades encjie un pâr di tombes.
La presince di un batisteri e di un simiteri dongje di un comples di stanzes e stanzutes a fâs subit pensâ che a chi a podès già jessi in chei timps une pleif: chescj ritrovaments archeologjics a confermin l’ipotesi che il cristianesim al veve di jessi rivât in Cjargne za intal IV-V secul dopo di Crist.
Par cure di Romina Felicioni e Stefano Marsilio
|
 |
|
la vascje pai batisims denti da gleisie di sant Martin
|