|
I mosaics di Cuel di Çucje
 | |||
|
Dongje di Dinvilin, di front dal Cuel Santin dulà che a è la pleif, a son saltâts fûr i rescj di un comples paleocristian cun dôs grandes gleisies, une vascje pai batisims e un pâr di stanzutes pal servizi. Inta gleisie plui vecje a si po inmò jodi tocs di un palment ch'al veve di jessi dut taponât da mosaics.
I disens di chescj mosaics a samein unevore a chei da basiliche di Aquilee, in particolâr las formes geometriches, las roses e il grop di Salomon.
GROP DI SALOMON: di solit al è dropât par simbul di eterno e infinît, ma inta Gleisie di Aquilee a si lu drope encje come simbul dal vincul enfre las dôs natures di Crist: chê di om e chê di Diu, riclamant encje la stele di David e quindi l'Aleance tra Diu e l'om; encje i colôrs, il celest e il ros, a riclamin seonti la simbologje orientâl rispetivamenti il cîl e la cjere, il divin e l'uman. SVASTICHE: a rapresente las cuatri fuarces da Creazion (Timp, Spazi, Fûc, Aghe – Fûc, Aghe, Cîl, Cjere) che girant in sens antiorari a fasin vignî fûr dute la fuarce dal univiers; di che ate bande, inveze, an tirin dongje l’essenze. Tai mosaics aquileieis a son presints dutes dôs las direzions unificant la simbologje di cheste forme. A Dinvilin i vin cjatât une forme une vore stilizade, ch'a samê che nencje a si movi. ROSES: achì a son presints a messèdit das formes geometriches e a vulin impensâ dutes las roubes che Diu al regale al om, tai mosaics di Aquilee difat las roses a son encje presints tas cosses das ufiertes.
Il prof. Francescatto al à fat las fotos di chescj mosaics e nus à contât cemût ch'a ju fasevin une volte: a tacavin dongje tocuts di clap di diviers colôrs, claps dûrs pai mosaics dai palments, ma encje tocs di veri, di crep e di coes, saldâts insieme cun cjalcine e ges par chei ch'a stavin sui mûrs.
Encje nou dopo i vin provât a fâju in classe e a nol è stât tant facil. Achì sot i podeis jodi il risultât dal nosti lavôr.
| |||
Par cure da III A
e dal prof Renzo Francescatto
|
